|
CHRISTELIK-VOLKSEIE SKOOL (CVO) |
STAATSBELEID VIR SKOLE |
|
CVO skole is geloofsgedrewe – geanker in die geloof in God drie-enig. Ouers het sê oor hul kinders se onderrig en opvoeding. |
Hierdie onderwysbeleid lê klem op Marxistiese-ideologie waar die staat beheer het oor alles en almal. |
|
‘n Ewigheidsvisie geld waar kinders se geredde siele die belangrikste bepaler is. (Hand 4:12) |
Visie word bepaal deur geldende politieke korrektheid. Alle gelowe word in die vak ‘Godsdiensonderrig’ op gelyke voet geplaas. |
|
CVO skole is ‘n verlenging van die verbondsouer se opvoedings- en onderrigverantwoordelikheid. |
Beleid is teenstrydig met Bybelse waardes en -norme van Christenouers. Die Christenkind word verwar en ouers se seggenskap oor eie kind word ontneem. |
|
Met ‘n volks- en gemeenskapsbenadering word ‘n liefde vir die skeppingsverskeiden-heid gekoester. |
Bybelse gehoorsaamheid word vervang deur “Dit is my reg”. Dit lei tot verval in dissipline en die skep van onregmatige skuldgevoelens oor volkseie kultuur en geskiedenis. |
|
Hoë premie word geplaas op onderrigstandaard en vakinhoud. Leerlinge word toekomsgerig voorberei, met vaardighede en kennis om kreatief in die samelewing hul plek vol te staan. |
Onderrigstandaard word in sommige gevalle as te ware deur die kind self bepaal, en sosiale vaardighede word eerder getoets as akademiese kennis. |
Eie CVO-skole dien die ware belange van u kind en is absoluut noodsaaklik sodat ons volk se Christelike karakter en volkskultuur behou en uitgebou kan word en hoë onderwysstandaarde verseker word.
Die Bybel vorm die grondslag van die skool en die verbondsouer word dus in staat gestel om sy doopbelofte na te kom.
Die Boere-Afrikanerkind word ‘n liefde en trots op sy eie volkskultuur, geskiedenis en taal aangeleer, met respek vir andere.
CVO Kleinfontein volg die Beweging vir Christelik Volkseie Onderwys (BCVO) se sillabusse en plaas ‘n hoë premie op vakkennis en insig (begrip). Alle vakinhoude word op Christelike beginsels gegrond.
Grade 0 to 7 (Laerskool) sowel as Voorskools word aangebied.
Behalwe vir die normale vakke, word Bybelonderrig en Geskiedenis ook as volwaardige eksamenvakke aangebied.
‘n Baie gunstige onderwyser-leerling getalleverhouding verseker dat leerlinge persoonlike aandag in ‘n gedissiplineerde omgewing ontvang.
CVO Kleinfontein is geleë in ‘n landelike atmosfeer in die Kleinfontein-nedersetting, ongeveer 10 km suid van Rayton (langs die N4 snelweg).
Die skool se leerlingvoedingsbron is Bronkhorstspruit, Cullinan, Rayton, Kleinfontein en omgewing.
Vervoer vanaf Rayton is beskikbaar.
‘n Naskoolsentrum sorg vir gemoedsrus vir ouers wat hulle kinders smiddae moet akkommodeer.
Kopiereg © 2004 [CVO Skool Kleinfontein]. Alle regte voorbehou.
Hersien: September, 2006.